Aquarius Restaurant ta bek despues di tres siman di renobacion

ORANJESTAD (AAN): Despues di 3 siman di renobacion Aquarius Restaurant, situa den Renaissance Aruba Resort & Casino,

ta anuncia cu nan ta cla pa habri e portanan atrobe y yamabo bon bini. Aquarius Restaurant conoci den comunidad como e restaurant #1 pa seafood y su ‘Sunday Brunch’ a keda cla cu renobacion y ta cla pa habri su portanan. Di acuerdo cu Diego Lemasson, Director di Beverage & Food na Renaissance Aruba: “Nos a crea un area di buffet mas modero y dinamico, ofreciendo asina algun opcion nobo for di e buffet ya conoci”.

            Awor cu bo bishita Aquarius, bo lo mira ademas di e buffet tipico di semper, esta e salad bar station, sushi station como tambe e hot station a crea espacio pa amplia e hot station creando asina un di dos ‘action’ station, un “action” carving station y e parti di mas dushi cu ta un ice cream station incluyendo un dessert station mas amplio. Tambe Aquarius lo presenta un parti dedica na productonan local, cultiva aki na Aruba pa asina contribui na e comerciante y agricultor local. Cu esaki Aquarius kier stimula agricultura local cu sigur lo ta un atraccion indigena pa tanto local como nos bishitantenan.

            Aquarius ta habri tur dia for di 7’or di mainta sirbiendo desayuno te cu 11or, despues ta start bek 12or cu lunch tipo buffet te cu 3:30 di atardi. Pa 5:30 ta bolbe habri Aquarius pa e Seafood Dinner Buffet cu ta inclui tambe platonan local. No mester lubida riba Aquarius su Sunday Brunch cu ta e brunch mas gusta na Aruba cu mimosa sin fin. Tur dia tin un buffet diferente pa ofrece.

            Pronto lo start bek tambe cu DHABA, e ‘Indian Theme Night’ di Aquarius cu ta masha gusta bao di nos locanan. Dhaba lo ta tur diadomingo pa 5:30 di atardi te cu 11or di anochi.