Apertura oficial di e espacio pa studiante di Avondmavo den colaboracion cu Colegio EPI

ORANJESTAD (AAN): Natalie Geerman, Directora Avondmavo a indica cu nan tabatin hopi aña ta desea pa alumnonan por studia cu tur trankilidad,

y nan soño a bira realidad, cu colaboracion di Colegio EPI, cu a pone dos local disponibel cu nan por a converti e espacio pa nan alumnonan.

E alumnonan tin disponibilidad di Wi-Fi, computer, nan por print of si nan kier djis sinta studia den un rato keto. Awo nan por haci uzo di e localnan aki.

Directora di Colegio EPI, señora Ankie Danker a bisa nan ta hopi contento cu e studiantenan por tin un lugar pa studia trankil y inspirador.