Apertura di Kickball Clash

ORANJESTAD (AAN): Diabierna anochi na Flatstone Ballpark na Piedra Plat a tuma lugar apertura di evento deportivo pa recauda fondonan, 'Kickball Clash'.

Stephania Daal, presidente interino di Kiwanis Young Professionals Aruba, a indica cu Flatstone Ballpark pa apertura di nan evento, cu ta tumando lugar e fin di siman aki, cu e meta pa recauda fondonan pa muchanan den mas necesidad.

E biaha aki, nan a enfoca riba muchanan di Perla Gymnastics pa yuda nan cu materialnan necesario pa nan por sigui entrena. Perla Gymnastics ta un scol di gymnastic y e fondonan lo yuda nan yega na e vloer special pa sigui practica e deporte di gymnastic aki na Aruba y asina tambe fortalece nan deporte.

Como Kiwanis, semper ta yuda y apoya muchanan den mas necesidad, y nan ta enfoca riba positivismo, como tambe cultura di nos pais.