ORANJESTAD (AAN): Minister Endy Croes tabata presente na Universidad di Aruba pa apertura di e conferencia di “Studiesucces Caribische Studenten”.
Durante e ceremonia di apertura Minister di Enseñansa y Deporte Endy Croes a hiba palabra.
E conferencia ta organisa pa Universidad di Aruba. Tur aña 1600 studiante for di e parti Caribense di Reino Hulandes ta continua cu nan estudio na Hulanda.
E studiantenan ta topa cu asina hopi problema durante nan estudio, cu hopi no ta alcansa finalisa nan estudio. Pa desaroya un acercamento concreto pa e problemanan aki, Aruba, Boneiro, Curaçao, Saba, Sint Maarten, Sint Eustatius y Hulanda a bini hunto di 26 pa 28 di september.
Ta sondea posibilidad pa haya e miho manera pa desaroya programanan di sosten cu medida concreto y structural, pa mas studiante Caribense por termina nan estudio cu exito.
