Presidente di SNBA Errol de Freitas:
*Tambe Nanki Hotel ta den desaroyo
ORANJESTAD (AAN) — Presidente di San Nicolas Business Association (SNBA), den entrevista cu DIARIO mustra su satisfaccion y trankilidad, pasobra e desaroyo di Baby Beach Secrets Hotel & Resort, ta bayendo di un manera acelera, y tur rekisito ta cla y dentro di e marco legal.
E desaroyadornan ta trahando na un forma hopi agresivo y su proceso ta bayendo hopi lihe. Den un encuentro cu e promotornan nan a enfoca riba e fecha 18 di December 2024, pa nan habri e prome 600 camber.
El a agrega cu danki Dios nan a keda cla cu Departamento di Infrastructura y Planificacion (DIP), cu a traha cu hopi diligencia riba esaki mescos cu gobierno.
De Freitas a agrega cu pronto, pueblo di Aruba lo tende e anuncio oficial cu Nanki Rodgers Beach Hotel cu ta den desaroyo lo habri e aña aki, y esaki ta un algo hopi positivo. Esaki ta menos dificil pa habri pasobra e ta consisti di menos camber.
De Freitas a reitera cu Secrets ta “biento en popa” y ta kere cu nan lo bay ta cla rond di e fecha cu nan ta bisa. Pa loke ta trata Nanki, lo tende di e desaroyadornan y di Gobierno di Aruba cu pronto lo ta saliendo pa duna e informacion.
