Anochi di ‘Elements’ pa graduacion di Abraham de Veerschool

ORANJESTAD (AAN): Pa nan anochi di graduacion den Las Palmas Ballroom di Holiday Inn Beach Resort,

esnan di Abraham de Veerschool a escoge e tema di Elementonan di e Periodic Tabel, cu ta un areglo ordena di e elementonan quimico poni netchi den rij.

   Y pa un anochi netchi, esey tabata e tema tur rond den e lugar.  E graduadonan femenino a presenta e anochi aki bisti den nan trahe di mas fenomenal, cu makeup y peinado espectacular.  Esnan masculino a yega cu tur nan ultimo toke y a luci sin duda.

   Despues di a toca himno, a sigui cu discurso elocuente di directora Jane Bueno-Hooft, kende a subraya di ta contento cu e logro di 86 porciento di graduado.

   Despues a sigui cu e entrega di diploma na cada uno di e alumnonan cu a braza prome y despues nan docentenan, y e sentimento tabata mixto aki.  Toch e chens cu nan tin awo pa sigui avanza den bida, ta pone nan cara bira feliz bek.  Aki por mira mas di e bunita anochi di graduacion di Abraham de Veerschool MAVO.