Animando alumnonan di Mon Plaisir pa acudi na anochi informativo

ORANJESTAD (AAN): Manera ta conoci, Diahuebs awor lo tin un anochi informativo pa tur futuro alumnonan cu ta pensa di bay studia na Hulanda.

  E enfoke di e anochi ta e dificultad pa haya camber pa biba aden na Hulanda.

   Pesey siman pasa, Ministro Endy Croes a acudi na Mon Plaisir College HAVO, pa duna un discurso na esnan di HAVO-4 y HAVO-5, pa anima nan pa acudi na e anochi informativo.

   E anochi ey, diferente orado profesional lo brinda informacion di, entre otro alohamento (huisvesting) na Hulanda. a comparti e retonan pa haya un vivienda na Hulanda. E mentornan na Hulanda, Kabinet di Aruba, Seccion Facilidad pa Estudio di Departamento di Enseñansa di Aruba (DEA) lo duna informacion di e fianza di Arubalening y con pa yega na un prestamo, alavez a contesta e preguntanan relaciona cu e topico aki.

   Adicionalmente, Fundacion Plan di Bida lo duna informacion na e alumnonan tocante maneho di presupuesto. Realign Caching, Consultancy & Services lo trata e topiconan: escogencia di estudio y con pa yena e formularionan. Tambe ta importante pa prepara tanto e mayor, como e studiante pa e reto nobo aki. Sr. Franklin Seute, autor y orado di e buki “Living Rich as a Student in the Netherlands” lo comparti hopi tips valioso di entre otro, maneho di placa como studiante.

    Rector di Mon Plaisir College Havo Señora Richelle Noël a gradici Minister Endy Croes pa bishita e scol y pa invita e alumnonan pa e sesion importante aki. Señora Noël a enfatisa cu buscamento di camber na Hulanda ta un problema serio y e ta contento cu Minister Endy Croes ta traha tempo pa atende cu e problematica aki. Por ultimo, Minister Endy Croes a gradici Señora Noël, docente- y alumnonan pa e caluroso recepcion. “Nos ta warda e studiantenan mas 1 mayor dia 26 di september proximo pa 6 ‘or di atardi na IMAX Gloria”, Minister Endy Croes a finalisa.