Angel Soto cu curso di actuacion y pelicula

ORANJESTAD (AAN): Diahuebs awo, 20 di februari 2025, e conocido Angel Soto lo ta dunando su di 4 curso di actuacion y e tecnicanan di traha bo propio pelicula cortometrahe.

   E curso aki ta patrocina pa CEDE Aruba y realisa pa Angel Soto di Lumière Films. E luga ta Colegio EPI Gate 3, local AT05. E curso largo aki lo ta tur diahuebs merdia cuminsando dia 20 di februari y ta bay te cu fin di Juni 2025. E ora ta 2:30 pm pa 3:30 pm. Tur participante lo haya curso di scriptwriting, uzo di camera y filmacion, editing, colour grading, uzo di luz.

   Pa participa por tuma contacto cu Stichting Educacion Digital Aruba yamando 564-5769 of mandando un email na: This email address is being protected from spambots. You need JavaScript enabled to view it..

   Cada cursista lo cera e ciclo aki cu un certificado. Un y tur, cu pasion p’e arte di actuacion y mundo di pelicula, ta bonbini pa sigui e curso aki. E ta completamente gratis y no mester trece nada otro cu e sonrisa y entusiasmo.