ORANJESTAD (AAN): Recientemente ya caba Americo a cobra un premio cu el a gana di Zodiac.
Esey ta un di e sorteonan mas popular di Lotto na Aruba. Bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Pero despues di a cobra e premio ey, Americo a bin corda cu e tabatin un ticket mas pa e sorteo di Zodiac, y cu e mesun combinacion di cifranan.
Pesey na harimento el a presenta Diaranson siman pasa na oficina di Lotto na Playa pa reclama su premio. E trahadornan a check e ticket pa su firma, y a scan e barcode den e computer. Mesora e computer a indica cu esaki ta un premio valido cu no a wordo cobra ainda, y e tin balor di 12.500 Florin.
Mesora a cuminza traha riba e proceso pa transferi su premio electronicamente pa su cuenta di banco. Americo a indica cu e ticket ganador a wordo bendi na The Champ Lottery.
