Alumnonan ta cla pa examen cu ta cuminsa otro siman

ORANJESTAD (AAN): Dialuna awor 13 di Mei 2024, lo ta comienso di examen pa alumnonan di MAVO, HAVO, y VWO na Aruba.

   Diaranson tabata ultimo dia di les prome cu examen 2024.  Na e ocasion aki, alumnonan di Colegio San Antonio MAVO na Santa Cruz, a bay scol cu pen tipo Sharpie, y asina e alumnonan di Klas 4 a intercambia bon deseo riba uniform di demas alumnonan.  Despues a participa na un actividad organiza pa nan mentoren.

   Colegio San Antonio MAVO lo tin 120 candidato pa examen, y ta desea cada uno tur clase di exito. E yabi ta den un bon preparacion y fe den nos bon Dios. Manera juffrouw Nicolaas tabata bisa semper: Doe je best en God doet de rest!