Alumnonan di scol secundario ta bolbe ser a conoci cu Investigacion Caribense

ORANJESTAD (AAN): Den luna di Juni, NWO ta organiza e di dos edicion di Siman di Investigacion Caribense. Educacion y traspaso di conocimento ta hunga un rol importante.

                Investigadonan procedente di region di Caribe of esnan cu ta haci investigacion den e region aki, lo duna tayernan pa alumnonan di scol secundario e simannan prome cu e evento.

                Lo ofrece e tayernan aki tanto na algun scol na Hulanda como scolnan na Aruba, Bonaire, Curaçao, Saba, Sint Eustatius y Sint Maarten.

                E seri di tayer aki na school secundario ta haci e hobennan consiente di valor di ciensia den comunidad. Pasobra, di con haci investigacion ta asina importante y kico un investigado ta haci tur dia? Ki tipo di profesion ta cuadra cu esaki y con bo por haya un funcion asina?

                E temanan cu ta bini dilanti den e tayernan ta hopi diverso. Ta motiva e hobennan especialmente pa haci e investigadonan hopi pregunta y haci tareanan cortico na e sitio ey mes.

                Preguntanan cu lo trata ta por ehempel: Con economia di un ‘small island state’ manera Curaçao of Saba ta funcona? Kico exactamente ta coleccion di data y como tarea: diseña un encuesta propio. Kico ta e relacion entre alimento y sostenibilidat y con abo por mantene bo ‘carbon footprint’ mas chikito posibel? Di e manera aki nan ta enbolbe e hobennan den e programa cu ta dirigi riba comparti conocimento y formacion di red di contacto.

                Tammy-Sue Lejuez, alumno di HAVO 4 - Colegio Nigel Matthew, Aruba:  “Haci mas escogencia responsabel. Pensa riba loke bo ta come y con esey ta aumenta bo ‘footprint’.”

                Amber van Veghel, investigado di Alimento y Cambio di Klima na Universidad di Aruba: “Mi a haya sumamente agradabel pa hiba combersacion cu e muchanan tocante alimento. Nos a papia tocante cultura y costumber alimenticio. Mi tambe a siña hopi di e alumnonan. Asina un grupo a descubri cu na algun plantacion di coco tin roi coba cu tin awa aden, di manera cu e coco ta cay suave den awa y no duro riba tera.”

                Programa Siman di Investigacon Caribense (13-17 Juni): https://www.nwo.nl/bijeencomsten/week-van-het-caribisch-onderzoek

                For di comienso di e programa caribense NWO a organiza tres ronda di finansiamento. Esaki a duna investigacion cientifico na y den Caribe hulandes un impulso fuerte. Bo por haya mas informashon tocante e actividadnan y produccion riba e pagina di e programa.