Alumnonan di Papiamento y Spaño lo realiza un viahe ficticio na cuater pais

Juffrouw Catherine, di Maria College: 

ORANJESTAD (AAN) Den entrevista cu Matutino DIARIO, Juffrouw Catherine, docente di Papiamento y Spaño, a elabora riba un biahe ficticio cu e alumnonan ta haci na cuater pais, cu ta Inglatera, Curacao, Irlanda y Colombia. Nan ta check in, ta biaha pa e paisnan aki y den cada un, nan ta experiencia un situacion.

   E biahe ta parti den dos dia, di cual Dialuna tabata e prome, y awe Diamars,  ta e di dos dia.

   “Den cada pais nan ta haya nan mes den un situacion unda nan tin cu uza nan habilidad di comunica, pa nan drenta den un combersacion, nan tin cu busca un solucion y nan tin cu ta creativo den nan combersacion, cu ta a base di e pais, aki; pues, adapta nan mes na e idioma y cultura di e pais”, Juffrouw Catherine a splica.

Juffrouw Catherine a indica cu, en realidad, e tema di scol e aña aki ta: “Aruba un pais multicultural” di cual proyecto, e ta trekker.

El a bisa cu e proyecto ta pas exactamente cu e tema. E ta pa reforza e conocimento di cultura y idioma cu nos ta biba cu ne na Aruba, pasobra esey ta e realidad. Nos tin diferente persona di diferente caminda, pues, nan ta  haya nan mes den diferente situacion. E ta eigenlijk pa nan raporta nan habilidad di comunica. Ora cu nan ta haci e combersacion nan ta wordo evalua, y esey ta bira nan punto pa nan materia”, Juffrouw Catherine a duna di conoce.

Awe, e alumnonan ta bay Airport y APA, eigenlijk e dos entrada principal di turista.

“Caminda cu nan ta bay haya diferente situacion; nan tin cu pone nan mes den e situacion di e representante di Airport, con e ta handle e situacion. Esaki ta pa nan experiencia e bida mes, con e cultura ta influencia nos na Aruba, y e diferente idiomanan. Bo ta  haya un persona cu no ta papia diferente idioma, con bo ta bay comunica? Esey ta pa culmina awe e proyecto aki”, Juffrouw Catherine, docente di Papiamento y Spaño, a relata.