Alumnonan di Klas 1 hopi entusiasma cu hardin di Pius X School

ORANJESTAD (AAN): Un di e scolnan cu tambe awo tin un hardin danki na e proyecto di Agroforesteria na Scolnan, ta Pius X Scol na Dakota.

   E hardin di fruta y berdura aki awor ta ofreciendo hopi pa e muchanan di e scol.  Recientemente ta e muchanan di Klas 1 di Pius X Scol bay mira loke e hardin ta ofrece.  E biaha aki bao guia di docente dinamico, e muchanan a siña planta berehein.

   Aki cu por a observa, ta cu e muchanan aki tabata asina hopi interesa di loke nan hardin ta haci door di comberti awa y tera, den delicioso cos di come.  Nan a traha cu hopi gana mes den e hardin, y esaki tabata un total satisfaccion pa mira.