Alumnonan di HAVO-4 a tene celebracion di Tropical Christmas

ORANJESTAD (AAN): E siman aki, e studiantenan di HAVO-4 na Colegio Arubano,

hunto cu e team di mentor di HAVO-4 a tene nan celebracion di Pasco.  E biaha aki nan a escoge e tema trendy di “Tropical Christmas”.

   E celebracion di Pasco a tuma lugar na China Club, y a consisti di un desayuno pa tur presente. Tambe, a saca ganado pa best female dressed, best male dressed y e mok mas decora.

   Durante e actividad, DJ Splash a percura pa pone bon ambiente durante e mainta ameno aki. E team di HAVO-4 ta desea su studiantenan y henter e comunidad di Colegio un feliz temporada di fin di aña.