Alumnonan di Colegio Nigel Matthew a bisti asina pa ‘Spirit Week’

ORANJESTAD (AAN): Pa un siman largo, e alumnonan di HAVO y VWO di Colegio Nigel Matthew na San Nicolas

por a bisti segun e exigencia di cada dia den cuadro di ‘Spirit Week 2024’.

   Dialuna siman pasa nan por a bay scol bisti cu T-Shirt cora henter dia.  Diamars nan a bay scol bisti den nan paña di pidjama.  Diaranson a bay bisti manera twin-day.  Diahuebs tabata bisti cu disfraz di Halloween.  Diabierna tabata dia di bay bisti como Back to the Past.

   Y e alumnonan tabata demasiado creativo e siman cu a pasa.  Nan tabatin disfraznan trendy, a bay all-out cu nan pidjama, y pa e Back to the Past, a hasta bay scol cu e wireless-phones di pasado cu e antenna riba dje.

   Aki por mira djis un tiki di e siman fenomenal cu alumnonan di Colegio Nigel Matthew tabatin na scol.