ORANJESTAD (AAN): Recientemente Kiwanis Club of Palm Beach a sigui cu nan conocido programa ‘Invest in Me’, pa sigui cu e mision pa empodera mente di hobennan di Aruba.
E biaha aki nan a pasa bishita Colegio Laura Wernet Paskel na Kadushi Largo na Santa Cruz, unda e klasnan aki a haya informacion hopi util, interesante, y sigur balioso pa e hobennan aki keda corda riba dje pa resto di nan bida.
E team di Kiwanis Club of Aruba a sinti nan mes na cas, y a ricibi un caluroso bon bini. Tambe ta gradici tur e boluntarionan fenomenal cu ta dedica nan tempo y energia pa haci un diferencia, pasobra hunto ta yuda forma un futuro financiero mas briyante pa e muchanan aki. Pabien na tur esnan envolvi cu e impactante programa di ‘Invest in Me”.
https://diario.aw/categories/noticia/general/alumnonan-di-colegio-laura-wernet-paskel-a-haya-sa-mas-di-invest-in-me#sigProId1b5dab5b53
