Alumnonan di Colegio Arubano bishitando hardin botanico na Colombia

ORANJESTAD (AAN): Durante e siman aki, e studiantenan di HAVO-4 y tambe VWO-4 di Colegio Arubano ta na Colombia.

   Algun dia pasa, nan a bay haci un bishita na Universidad Tecnologico de Pereira.  Aki nan a atende un lectura encuanto e scol, y a haya un guia tambe pa admira e hardin botanico cu nan tin eynan.  Aki a mira riba e desaroyo y estudionan cu e hardin aki ta ofrece e studiantenan di Universidad.

   Fuera di esey, nan a bay haci un recorido den e Teleferico tambe.  E viahe aki a wordo haci danki na diferente evento di recauda fondo, incluyendo un Rifa grandi cu nan a tene.