Alumnonan di Colegio Arubano a participa na Pink Day

ORANJESTAD (AAN): Siman pasa, henter Colegio Arubano a bira di color ros. 

Esey ta debi cu alumnonan di e scol di HAVO y VWO, a dicidi na bisti paña ros, participando riba e asina yama ‘Pink Day’.  Di e forma ey nan ta mustra nan sosten durante e Breast Cancer Awareness Month.

   Sigur el a bira un dia masha bunita mes pa tur Colegiano, y e bista cu por a nota riba tereno di scol, y den tur klas.  Hunto nan ta boga pa comunidad pone mas atencion pa cancer di pecho, y demostra cu bo tey pa otro, pa sostene otro, y pa yuda den buskeda di un solucion.  Tambe a pasa rond cu e bakinan di colect pa yuda cu e causa.

   Key Club Colegio Arubano sigur a haci un cos aki, y nan tur cu admiracion na Mary Joan Foundation Aruba pa asina enfatiza riba e importancia di Pink Day.