Alumnonan di Brisas Speelschool a bishita Centro Kibrahacha pa mustra cariño na nos grandinan

Den conexion cu Dia di Himno y Bandera:

ORANJESTAD (AAN) – Juffrouw Alders, directora di Brisas Speelschool, hunto cu alumnonan di 3 pa 4 aña a haci un bishita na Centro Kibrahacha, pasobra ta hopi importante pa inculca den nos muchanan nan tin stimacion pa nos hendenan grandi.

E alumnonan mas chikito a bay bishita Cunuco Chabelito na Santa Rosa. E actividadnan aki ta en conexion cu Dia di Himno y Bandera.

E muchanan cu a bay bishita Club Kibrahacha a canta canticanan cu e juffrouwnan mes a traha leter, cu excepcion di un cu ta un composicion di Edseline Figaroa.
Na scol nan ta hinca letternan den otro anto ta siña e muchanan. Riba combinacion di potret por aprecia e muchanan di Brisas Speelschool bunita bisti cu colornan di Aruba su bandera.