Alumno- y docentenan di Colegio Arubano den nan PJ’s di Pasco

Actividad exitoso di Spirit Week...

ORANJESTAD (AAN): Awor cu aña ta yegando su fin, e organisacion di Leerlingenraad di Colegio Arubano a dicidi na organisa atrobe loke ta wordo yama ‘Spirit Week’.  Esaki ta socede semper den e ultimo siman di scol pa 2023.

   Pa esnan cu no sa, e ‘Spirit Week’ ta un siman yen di diversion unda e alumno- y docentenan ta disfraza segun e tema di dia.  Nan lo bay duna un premio pa e alumnonan mas creativo di siman.

   Un di e dianan ey, tur docente y alumno a bin scol den nan pijama di Pasco.  Esaki tabata e Dia #6 di e Spirit Week, y e tabata un dia cu hopi ambiente, admiracion total pa e pijamanan creativo cu no djis e alumnonan a presenta cune, sino tambe e docentenan.

   Aki por mira parti di esnan cu a gosa un mundo cu nan PJ’s di Pasco na Colegio Arubano.