ORANJESTAD (AAN): Den cuadro di Dia di Tur Defunto pastor Santiago y Comision Santana Noord ta
invita tur parokiano di Noord y vecindario pa bin resa un Rosario pa descanso di alma di nos defuntonan stima.
E Rosario ta worde resa na e grafkapel den santana di Noord, mañan Diadomingo 2 di November pa 5:15‘or di atardi.
Despues di Rosario ta sigui un Santo Sacrificio di misa den misa Santa Anna na Noord pa 6‘or di anochi.
Famianan cu tin kelder of graf den santana ta ser pidi pa pasa y haci e areglo di pago necesario. Asina e comision por cumpli cu cuido y renobacionnan necesario den santana. Pa cualkier pregunta por yama Comision Santana Noord na telefon 594-9687.
Den weekend dia 1 di november y dia 2 di november lo tin oportunidad pa cende un bela den e grafkapel den santana Noord pa descanso di alma di tur defunto.
Alavez Comision di Santana Noord ta informa famianan cu tin urna di un defunto na cas pa nan pasa na oficina pa registra esaki y dicidi den cual kelder esaki lo worde poni pa reposa.
