ORANJESTAD (AAN): Un di e weganan di mas popular di Lotto ta sigui di ta Zodiac.
Aki bo ta escoge un number di cuatro cifra, y ya bo ta den wega, door di djis agrega un signo zodiacal.
Esey ta exactamente loke Alexis a haci, y el a gana tambe! Pesey riba Diamars el a acudi na oficina di Lotto pa asina reclama su premio.
El a entrega e ticket pa asina nan check si e tin e firma patras, como tambe numbernan di banco. Asina a scan e barcode den e computer, cu inmediatamente a indica cu el a gana 12.500 Florin cu wega di Zodiac Merdia.
Despues di esey a cuminza cu e proceso pa transferi e premio electronicamente pa su cuenta di banco. Alexis a indica cu e ticket ganador el a cumpra na Lucky Numbers.
