Alegria durante anochi di graduacion di Mon Plaisir College

ORANJESTAD (AAN): Recientemente den Renaissance Convention Center a tuma lugar e anochi di gala special pa cu graduacion di alumnonan di Mon Plaisir College.

   Tur hende bunita y elegante bisti, a presencia momento cu e alumnonan a obtene nan diploma, simbolizando un adelanto y sigur recompensa pa nan trabao duro durante ultimo añanan.

   Minisro di Enseñanza, Gerlien Croes tambe tabata presente y a dirigi su mes na publico cu mensahe di apoyo pa e alumnonan aki sigui subi e trapi pa logra mas diploma den nan bida.

   E tabata un anochi di orguyo y logronan pa studiantenan, mayornan, amistadnan y docentenan di e graduadonan di Mon Plaisir College, celebrando dedicacion, perseverancia y exito.  Pa Ministro tabata un honor pa reconoce e miho graduado di 2026 di MPC, un inspiracion pa sigui pone metanan grandi bo dilanti y lucha pa logra esaki.

   E potretnan aki pa cortesia di Ministerio di Enseñanza.