Siña Mas di e Mundo Digital
ORANJESTAD (AAN): E compania Setar lo organiza "SETAR Digital Week" di 20 pa 24 di October 2025 na Conexion Center cu ta keda na e oficina principal di nan na Seroe Blanco. E evento innovativo aki ta brinda comunidad e oportunidad pa profundisa nan conocemento tocante diferente aspecto di e mundo digital.
Durante e siman completo, diferente keynote speakers local lo comparti nan conocemento tocante topiconan actual y relevante manera ChatGPT, Artificial Intelligence (AI), Fake News, Canva, Cyber Security, Pay.aw y hopi otro topico mas. E presentacionnan aki ta diseña pa duna tanto principiante como usuario avansa informacion practico cu nan por aplica inmediatamente den nan bida diario.
Un aspecto special di e evento ta e presencia di tur banco local durante e siman completo. Nan lo ta disponibel pa asisti usuario cu online banking y contesta tur pregunta cu tin di haber cu servicionan digital bancario.
Pa haci e evento accesibel pa tur hende, participacion ta completamente gratis. Interesadonan mester solamente registra na www.setar.aw/digitalweek/ pa sigura nan luga na un di e diferente sesionnan cu tin.
SETAR ta comprometi cu educacion digital di nos comunidad, e mundo digital ta cambia constantemente, y nos ke sigura cu tur hende na Aruba tin e conocemento y recursonan pa navega esaki cu confianza.
Pa mas informacion y pa registra pa SETAR Digital Week, bishita www.setar.aw.
Detayenan di Evento, di 20 pa 24 di October 2025 na Conexion Center, SETAR Seroe Blanco, y e costo ta gratis, sinembargo Registracion ta obligatorio. Haci esey na: setar.aw/digitalweek/
No perde e oportunidad unico aki pa bira mas conoce cu loke ta pasando den nos mundo digital.
