ORANJESTAD (AAN): Ban Wiki! Tayer di Wikimedia Commons na Biblioteca Nacional San Nicolas
San Nicolas, lo tuma lugar otro siman Diamars, esta 14 di October 2025.
Wikipedia riba Aruba ta invita bo na Ban Wiki!, un evento educativo y interactivo pa siña con pa agrega potret y contenido cultural na Wikimedia Commons. E tayer ta ideal pa participantenan cu ta documenta herencia local y kier warda nan material visual manera video, potret, audio den un plataforma habri y accesibel pa mundo henter.
Participante lo por: (*) Agrega imagen digital na Wikimedia Commons. (*) Conoce e licencianan cu Wikimedia Commons ta uza. (*) Siña con pa anadi meta-data, warda y pone bo material den un categoria riba Wikimedia Commons. (*) Contribui cu contenido liber pa un audiencia global.
E tayer lo ta for di 5:00 pm te cu 7:00 pm, y ta na Biblioteca na San Nicolas.
Corda cu registracion ta obligatorio via nos pagina principal wikipediaonaruba.org y bin cu bo material visual (potret), laptop, telefon of tablet.
E potret aki pa cortesia di Rarends297, via Wikimedia Commons.
