ORANJESTAD (AAN): Un di stakeholdernan cu Formador y futuro miembro di coalicion a reuni cune Diaranzon mainta tabata cu AIB Bank, e banco di inversion.
Segun señor Francis Giel di AIB, el a bisa cu nan a papia cu formador y su team basta amplio tocante e perspectiva con nan ta mira e situacionnan y un assessment riba algun proyectonan andando y algun opcionnan cu por tin.
Dos cos cu AIB a enfoca hopi riba dje ta entre otro di un Masterplan cu a traha 4 aña pasa y caminda tabata para 2 tarea importante cu AIB tambe ta parti di dje.
Un di nan ta pa crea fondo cu yama recovery innovation funds. Hunto cu esey a papia tambe e posibilidad con por yuda inversionistanan local tambe den diferente forma, sea esnan cu ta willing pa inverti y quizas haya pa logra proyectonan aki na Aruba mes. Enbez di solamente foreign direct investment. Esaki pa evita e leakage pa haci cu mayoria di e fondonan ta keda Aruba.
Segun Sr. Giel eseynan tabata e topiconan cu a papia riba dje y e combersacion a bay hopi fructifero y hopi habri. E ta spera cu pronto quizas nan por duna un contribucion na loque ta e economia di Aruba, ya cu esey ta AIB su tarea. Nan tin e mision social economico den nan statuutnan para y ta intension di cumpli cu esey tambe
Giel a splica cu e recovery funds ta pa apoya entrepreneurnan local, e ta yuda tambe pa diversifica, pasobra innovacion ta hinca den dje. E recovery funds ta haci Aruba resiliente y pa haci esey mester cuminza cu e empresanan chiquito, small media enterprises cu mester di nan apoyo.
