ORANJESTAD (AAN): Directiva di Fundashon Stimami Sterilisami ta extende e gratitud profundo na Aruba Hotel and Tourism Association (AHATA),
dirigi pa CEO & Presidente Tisa Lasorte, huntu cu e lidernan y miembronan estima di turismo di AHATA, pa nan donacion generoso di 5.000 Florin.
E donacion aki ta fortalece nos esfuersonan continuo pa atende e reto critico di sobrepoblacion di animalnan riba caya na Aruba, atravez di nos programa nacional di sterilisacion, cu ta worde reconoci internacionalmente como e metodo mas efectivo y humanitario pa reduci e poblacion di animalnan sin cas.
Cacho y pushi riba caya ta presenta un riesgo considerabel pa salud y seguridad publico, impactando tanto nos comunidad local como e experiencianan di nos bishitantenan. Cacho y pushi no sterilisa ta reproduci na un ritmo exponencial, cu un cacho muhe y su yiunan por resulta capas pa produci 67.000 cacho den solamente seis aña, mientras cu un pushi por produci 11.606.077 pushi den e mesun periodo. Door di atende e situacion di un forma directo, nos no solamente ta reduci significantemente e cantidad di animalnan cu ta sufri riba caya pero tambe ta engrandece e comunidad vibrante y paisahe turistico di nos isla.
E impacto critico di e trabao di Stimami Sterilisami: Desde 2016, Stimami Sterilisami orguyosamente a financia y subsidia mas cu 40.000 sterilisacion, reduciendo drasticamente e cantidad potencial di bestianan riba caya, aliviando nan futuro sufrimento.
Cada sterilisacion ta preveni no solamente miles di mascotanan indesea cu ta contribui na e crisis di sobrepoblashon pero tambe ta duna beneficionan di salud na cada animal. Por ehempel, mascotanan sterilisa ta enfrenta riesgonan mas abou di cierto cancer y infeccionnan, loke ta conduci na un bida mas saludabel y mas largo.
Sosten Integral di Comunidad: Danki na e sosten di AHATA, nos por sigui ku nos trabao vital. Cada donacion ta permiti nos amplia nos alcance door di ofrece servicio di sterilisacion subsidia, cu awor ta cubri 100% di e gastonan di sterilisacion pa organizacionnan di rescate y 50% pa doñonan di bestia individual, microchipping gratis, y programanan educativo riba doño di bestia responsabel.
E esfuersonan aki ta esencial pa mantene seguridad publico, preveni plamamento di malesa, y garantisa un ambiente sigur y cuidadoso pa nos bestianan.
E rol di AHATA den fomenta un futuro sostenibel: “Nos ta profundamente agradecido pa e sosten di AHATA, cu no solamente ta yuda proteha incontabel cacho y pushi pero tambe ta salvaguardia e reputacion di Aruba como un destinacion di vakantie premier,” asina Ewald Biemans, Presidente di Fundashon Stimami Sterilisami a declara.
El a finalisa bisando: “Hunto, nos ta haciendo un impacto significativo, sigurando cu Aruba ta keda un luga sigur y saludabel pa tur hende.”
Riba e potret por mira d.r.p.d. Tina Bislick (Director Stimami Sterilisami), Tisa LaSorte (CEO di AHATA), Crescenzia Biemans (Secretaria di Stimami Sterilisami), y Ewald Biemans (President Stimami Sterilisami).
