ORANJESTAD (AAN): SETAR tabata presente na e inauguracion di e Digi Classroom di Scol Dun’un man.
Scol Dun’un man ta ofrece enseñansa y guia adapta teniendo na cuenta e nivel y posibilidad di e alumnonan. Integracion y funcionamento optimal den nos comunidad ta hunga un rol esencial.
SETAR a duna di conoce cu nan ta contento di por a contribui na e proyecto di Digi Classroom, cu ta ofrece e alumnonan e oportunidad pa haya les di tecnologia y desaroya nan habilidadnan digital door di descubri, siña y pone den practica tur locual nan a siña.
