ORANJESTAD (AAN):Diahuebs 18 di November 2021, den un reunion ameno y fructifero Minister di Naturalesa, Sr. Ursell Arends a delinea varios punto di maneho, y
tambe comparti ideanan cu miembronan di e hunta di AHATA riba entre otro temanan di desperdicio solido y likido, medio ambiente en general y naturalesa.
E no ta desconoci cu AHATA tambe ta comparti e preocupacionnan di RWZI y Aruba su maneho di desperdicio, mirando con devastador e consecuencianan negativo por ta di e añas di negligencia, vooral si no ta bay coregi nan.
Minister Arends a segura cu e puntonan aki ta netamente su prioridadnan, y di su parti ta contento di por tin e sosten di AHATA tambe, cual di su parti semper a y ta keda abierto pa yuda contribui na e solucion.
Varios pregunta over di maneho di naturalesa tambe a bini padilanti, mustrando e necesidad pa tuma accionnan mas firme pa proteha Aruba su naturalesa y medio ambiente prome cu ta demasiado laat pa recupera.
Di parti di AHATA, ta señala con importante e aspecto aki ta pa nos mercadeo internacional y posicion competitivo como isla turistico.
Minister Arends a acorda di lo duna un presentacion na AHATA tocante resultadonan di investigacionnan conduci door di DNM, y tambe lo sigui promove colaboracion entre gobierno y sector priva pa por logra metanan di desaroyo sostenibel, y semper teniendo cuenta cu derecho di naturalesa.
