Aeropuerto a bay yuda cu boluntarionan pa proteha Shoco di Aruba

ORANJESTAD (AAN): Den fin di siman, e team di boluntario yama ‘Wings of Hope’ kendenan ta laborando na Aeropuerto di Aruba,

a dicidi na dobla manganan di camisa y bay yuda tanto Aruba Birdlife Conservation (ABC) y tambe JOIA Aruba by Iberostar, y hunto cu boluntarionan di Bucuti & Tara Beach Resort, Boardwalk Boutique Hotel Aruba, y Aruba Marriott Aruba Resort pa yuda naturalesa.

   Specificamente nan a bay traha pa proteha e parha nacional di Aruba, esta Shoco.  Nan a bay instala neishi artificial na 3 diferente lugar na Savaneta.

   E esfuerzo conhunto aki a sostene e proyecto pa por instala 200 neishi artificial rond di Aruba, pa asina proteha e habitat di Shoconan tur caminda.

   Y manera por mira riba e potretnan aki, e trabao tabata uno cu a trece inmenso satisfaccion pa tur hende envolvi.  Pabien na tur boluntario.