ORANJESTAD (AAN): E aerolinea cu sede na Bonaire, esta Z Air cu a wordo funda na Mei 2000,
ta bula regionalmente incluyendo Aruba. Nan tin 6 avion pa haci e vuelonan, y e siman aki nan ta preparando pa ricibi un avion mas.
Ta trata aki di un avion cu lo bira nan di dos ERJ 140, di e compania Embraer y fabrica na Brasil. E avionnan aki ta jetnan regional, y e modelo ERJ 140 tin capacidad pa 44 pasahero.
Ya caba e avion aki a haya e emblema di Z Air poni riba dje, y cu esaki e aerolinea lo aumenta nan capacidad di vuelo pa cubri e rutanan regional.
