Æ-2020 Aruba Entertainment awor tin un Directiva nobo

ORANJESTAD (AAN) – Recientemente, a tuma lugar e firmamento di Statutonan di Æ-2020 Aruba Entertainment, cu tin un directiva nobo.

   Diferente musico local tabata presente pa e acto historico aki.  Esaki a tuma lugar na Oficina di Notario Helmeyer den Schotlandstraat. Seguidamente, a anuncia ken ta forma parti di e directiva nobo pa e periodo 2021-2025.

   E directiva nobo ta consisti di: Rignald Martis, Presidente; Raul Lopez, Vicepresidente; Virgil Hernandez, Secretario, Jonathan de Cuba, Tesorero-1; Samuel Gregory Kwidama, Tesorero 2, y Comisarionan: Yobert Reyes y Burton Sintjago.

   DIARIO ta desea directiva di Æ-2020 Aruba Entertainment tur clase di exito y logro.