Addonsito a felicita Erin Croes cu Pasco Encanta

ORANJESTAD (AAN): Cu presentacion live di ‘297 Strings’ consistiendo di Rubin Ponson, Jeremy Dijkhoff y Ivan Croes,

e programa di pasco su season nobo a start.

   Rondona pa e staf y personal di Magic 96.5 Fm, Erin Croes a duna comienso na e tradicion di mas cu 38 aña di programa di pasco na Aruba.

   Pa 35 aña tabata “Na Drempel di fin di Aña” cu a domina e temporada navideño y ultimo 3 aña ta e programa nobo yama “Pasco Encanta”.

   Cu e articulo aki, e conocido Addonsito Croes ta felicita Erin Croes y desea Aruba henter un bunita temporada yena cu amor y hopi creatividad. Tanto Erin Croes, Thyara Doornkamp y Addonsito Croes lo compaña Aruba cu bon receta y pregunta den “Andicury Magico”.