ACF a presenta e structura di nan maneho di conservacion di areanan protegi 2025 - 2029

Minister Ursell Arends:

ORANJESTAD (AAN):  Minister Ursell Arends a duna di conoce cu conservacion di nos naturalesa ta mirando un adelanto grandi den boluntad di nos hendenan, danki na entre otro Aruba Conservation Foundation.

            Diabierna,  ACF a presenta e structura di nan maneho di conservacion di areanan protegi pa loke ta 2025 - 2029. Un structura claro den e dialogo di conservacion ta crucial pa crea strategianan sostenibel y pa garantisa un ekilibrio entre proteccion y desaroyo.

            Minister Arends a expresa palabranan di gradicimento enorme pa ACF su team completo pa nan profesionalismo y compromiso pa traha pa Aruba su naturalesa.