Aceptacion di funcion di Agustin Vrolijk como Gobernador Suplente nobo di Aruba

ORANJESTAD (AAN): Entrante prome di december 2021, Aruba tin un Gobernador suplente nobo, Su Excelencia Agustin Vrolijk.

Di acuerdo cu e Reglamento pa Gobernador di Aruba, diaranzon durante un reunion solemne di Parlamento, señor Vrolijk a haci entrega na Parlamento di un copia di e Decreto Real fecha 26 di november 2021 encuanto su nombramento y di e proces-verbaal di su huramentacion fecha 30 di november 2021. Tambe señor Vrolijk a hiba un discurso cortico.

Banda di e miembronan actual di Parlamento y e ministernan di Gabinete Wever-Croes II, Secretario di Ministerraad, e Gobernador suplente anterior y representantenan di Raad van Advies y Algemene Rekenkamer tambe tabata presente durante di e reunion solemne aki di Parlamento.

Potret cortesia di Kabinet Gouverneur Aruba