Tres amigo a perde nan bida na Hulanda
AMERSFOORT: E anochi di Diadomingo pa Dialuna a resulta fatal pa tres amigo, kendenan a perde nan bida debi na un accident di auto, cu na final a bay resulta den awa. Tres homber di 21 aña, 25 aña, y 27 aña di edad a fayece.
E homber di 27 aña ta un persona di Arubiano cu ta bibando na Hulanda. El a wordo identifica como Wesley Maduro.
Wesley su fayecimento a dal famia duro, principalmente cu el a bay laga un baby di apenas 2 luna atras. Wesley tabata planea di bin Aruba na December 2024 pa pasa vakantie cerca su famia.
Dialuna den careda di 1 or y mey di marduga, un auto coriendo riba e caminda conoci como Stadsring, a perde control, baha caminda y ta cay den awa. Un patruya di polis cu a pasa riba e caminda aki a ripara cu tin un marca di brake y restonan di auto benta ariba y band’i caminda.
Nan a mira e auto benta den awa y mesora a bati alarma. Hopi lihe cantidad di team di rescate a yega na e lugar, a saca e tres hobennan for di e auto y a cuminsa reanima e victimanan. Rij largo di ambulance a acudi.
Lamentablemente no por a haci nada mas pa e tres hobennan aki, nan a fayece. A pone demas autoridadnan halto na altura. E noticia aki di fayecimento di 3 amigo, a shock comunidad di Amersfoort. Ora solo a sali, nan a cuminza pone flor na e area unda e accident a socede.
Segun polis nan ta investigando kico por tabata e causa di e accidente. Polisnan ta pidi esnan cu por a scucha of mira algo di e accidente lamentable aki pa contact polis mesora.
