Academia di Modelahe nobo na Aruba a recauda fondo pa mama y muchanan cu menos recurso 

Pa cu scol: ORANJESTAD (AAN): Recientemente, e academia di modelahe mas nobo aki na Aruba,

Lindy Modeling Academy & Agency Aruba (LMA), a bini hunto pa asina cumpra materialnan di scol y loranan bunita pa regala mama nan cu menos recurso.

            LMA a colabora cu e famoso grupo di mamanan ariba Facebook, “MiMami”, unda cu mamanan di Aruba discretamente ta yuda otro, pa asina logra regala algun mama den necesidad e paketenan aki di scol. 

            Tur luna e muchanan y adulto di e academia di modelahe aki, LMA, ta haya un rooster y tabata hopi contento di mira “school supplies” ariba nan agenda di siman; esaki ta pa siña cada studiante riba e topico compasion pa otro den un plataforma unda cu nan no ta solamente siña modelahe, pero tambe siña yuda comunidad na Aruba, y haya workshops na Antraco Plaza di communication & leadership skills, self empowerment, nutricion, y mucho mas.