ORANJESTAD (AAN): ABC Tours Aruba ta hopi emociona pa anuncia un aña di logronan extraordinario mientras cu
ta celebra 30 aña di existencia den 2025! No solamente a sigui pone e standardnan pa turismo di aventura na Aruba, pero a logra pone historia riba e podium mundial tambe:
Subiendo den Ranking Mundial: Awor na #17
Aña pasa, ABC Tours tabata #18 como un di e miho operadornan di tour mundial. E aña aki, ABC Tours a subi un stap pa tuma e posicion #17 na nivel mundial, un logro impresionante teniendo na consideracion cu menos cu 1% di mas cu 8 miyon di e ‘listing’ mundial ta ricibi e distincion aki.
E reconecemento aki ta pone enfasis riba e miho experiencia di biahe mundial y ta reforsa e compromiso firme di ABC Tours pa excelencia, aventura y hospitalidad autentico arubiano.
Best of the Best den Caribe — Atrobe!
Ademas di e exito internacional, ABC Tours ta contento pa anuncia cu a logra mantene e titulo di Operador #1 di Tour den Caribe un biaha mas. Nan tour ‘Island Ultimate Jeep Safari’ ta sigui briya, y awor, nan ‘Thrill Seekers UTV Tour’ tambe a ricibi e titulo di “Best of the Best” den Caribe y mundialmente . Esaki ta nifica cu nan dos vehiculo cu e firma di aventura a gana e honor mas halto, poniendo Aruba un biaha mas den e top di turismo di clase mundial.
Celebrando 30 aña di aventura sin igual
Loke ta haci e logronan aki ainda mas significativo ta cu 2025 ta marca 30 aña di excelencia pa ABC Tours. For di nan apertura na 1995, a dedica na crea experencianan inolvidabel y comparti e spiritu di Aruba cu tur hende cu ta bishita e isla.
Un danki grandi na e guestnan y na e tremendo team
“Nos ta super orguyoso y agradecido pa e milestone aki den nos 30 añanan,” Marvin Kelly, CEO di ABC Tours Aruba a bisa. “Subi pa #17 mundial for di mas cu 8 miyon listing, gana ‘Best of the Best’ den Caribe pa nos ‘Jeep Safari y UTV Tour’, ta un testimonio di pasion di nos team y di e guestnan maraviyoso cu nan reviews y sosten ta transforma aventura den recuerdo pa bida. Masha danki pa haci nos parti di boso historia.”
