A tene un oracion prome cu examen na Colegio San Antonio

ORANJESTAD (AAN): Dialuna e prome dia di examen central di e aña escolar aki a start na Aruba. 

Centraal Schriftelijk Examen (CSE) ta socede mesun horario pa tur scol na Aruba.

   Alumnonan di examenklas di Colegio San Antonio MAVO na Santa Cruz, a yega trempan y tabata den bon animo pa e examen di MAVO aki cu ta e prome pa e periodo di dos siman di examen aki. 

   Manera ta costumber, e prome examen ta esun di Hulandes. E mainta aki na Colegio San Antonio a cuminsa cu un oracion pa pidi nos bon Dios pa guia e alumnonan.

   E alumnonan no tabata nervioso y tabata mustra di ta cla pa participa na e examen.  Directiva di scol y demas docentenan, ta desea tur esnan di Examenklas, y tambe tur otro alumno trahando examen rond di nos isla, hopi exito! Ban cu ne!