A rindi homenahe na piscadonan Milton Tromp y Cadochi Wolff

ORANJESTAD (AAN): Durante di e celebracion di Dia di Piscado 15 di augustus ultimo a rindi homenahe na 2 baluarte di piscamento.

   Tabata Milton Tromp piscado bon conoci na Noord, discipulo number uno di Juan “Por” Henriquez cu a ser yama riba stage bou applauso pa ricibi su cuadra pinta door di e pintor arubano Elvis Tromp.

   Siguientemente tabata sr. Claudio “Cadochi” Wolff, un di e piscadonan di mas edad y experiencia na e centro di piscadonan na Noord. Cadochi tin un trayectoria largo y semper ta activo na e centro y participa den tur actividad. Su persona tambe a ricibi un cuadro cu sr. Elvis Tromp a pinta na sitio mes durante e evento. Pabien na e galardonadonan.  Potretnan pa cortesia di Centro Hadicurari.