A ricibi un cantidad di peticion pa importacion di klapchi pa fin di aña

Rubin Ponson di DOW: hopi klapchi a resta di 2023

ORANJESTAD (AAN):  Rubin Ponson, specialista di Departamento di Obranan Publico (DOW) pa loke ta explosivonan, a duna informacion importante pa loke ta klapchi. El a indica cu DOW ta forma parti di e comision di Vuurwerk y nan ta wak e trabaonan cu ta parti di duna conseho pa ora di importacion di klapchi y su debido transporta y almacenamento.

            Ponson a laga sa cu a ricibi un cantidad di peticion pa importacion di klapchi pa fin di aña y ta atende cu nan pa asina e hendenan por haya nan permiso.

            El a indica cu e puntonan di benta ta un cantidad promedio cu no ta subi ni baha. Hopi biaha ta haya hopi peticion ta wordo haci y despues e punto di benta no ta habri.

            Nan ta wak mas tanto e cantidad di klapchi cu ta wordo importa, dependiendo di cuanto container ta yega, cuanto punto di benta mester cu ta haci e benta mas hopi di cual pa DOW ta miho pa saca mas klapchi posibel pa asina na final di aña wardamento di aña por ta menos.

            Ponson a laga sa cu pa loke ta 2023, hopi klapchi a resta. Ideal lo ta pa no sobra nada fin di aña. Si ta wak e ultimo añanan toch ta sobrando hopi constantemente. Henter aña tin e situacion aki na WELA pa e klapchi cu tin keda bao control y pa fin di aña atrobe sac'e y esey ta locual DOW kier evita.