A otorga diploma na un total di 45 graduado den ceremonia pa Avond MAVO

ORANJESTAD (AAN): Recientemente Minister di Enseñansa Endy Croes a acudi na e Ceremonia di Graduacion di Avondmavo na Hyatt Airport Place.

Den nomber di Gobierno di Aruba, e mandatario di Enseñansa a felicita e graduadonan cu nan logro.

   Despues directora di Avondmavo Sra. Natalie Geerman a dirigi palabra na e graduadonan. E aña aki Avondmavo ta conta cu un total di 45 graduado. E miho graduado di 6 materia ta Lucelvia Schwengle y e miho graduado di 7 materia ta Jean Kock.

    Finalmente, Minister Endy Croes ta gradici tur esnan cu a contribui den e logro di e graduadonan y ta felicita e graduadonan pa nan esfuerso, dedicacion y sacrificio durante di nan estudio. Alabes ta desea tur graduado hopi exito den e siguiente etapa di nan bida.