ORANJESTAD (AAN): Segun Tisa Lasorte di Aruba Hotel and Tourism Association (AHATA), un di e preocupacionnan cu nan a combersa riba dje cu Formador di Gobierno, Evelyn Wever-Croes ta e problema cu criminalidad y principalmente pa loke ta e sector turistico.
El a bisa cu AHATA a trece e tema aki riba mesa. A ofrece ayudo den comunica cu Ministerio di Husticia y Cuerpo Policial pa wak con por traha hunto.
Tambe tin Aruba Hospitality & Security Foundation (AHSF) cu ta un cooperacion entre AHATA y Ministerio di Husticia pa por atende cu cierto di puntonan aki pa motivo di e crisis no tabata tin un presupuesto na 2020 y 2021, a indica.
Na 2022 no lo tin un presupuesto atrobe, pero por mira unda cu AHSF kisas lo por yuda tambe cu cierto aspecto di e criminalidad den e zonanan turistico, La Sorte a laga sa.
