A honra alumnonan di Colegio Nigel Matthew cu a sobresali den deporte

ORANJESTAD (AAN): Recientemente directiva di Colegio Nigel Matthew na San Nicolas, a rindi homenahe na varios studiante kendenan ultimo tempo a sa di sobresali den diferente disciplina di deporte.

  Asina a honra Zendea Wilson, kende a sobresali den Gymnastics.  Tambe a honra Jevin Carasquilla kende a sobresali den Futbol.  A honra tambe e team di Beachtennis, esta Lucas Kelly, Jyven Arends, Andrew Cabarcas, y Jerome Koopmans.

   Tambe a honra e team di Futbol di Scol, consistiendo di AJ de la Cruz, Jevin Carasquilla, Tyrone Boasman, Samuel Florez, Steven Almonte, Davion Rogers, y Aaron Orman.

   Nan potret a wordo poni riba un ‘Muraya Famoso’ di Atletische Prestatie cu e scol tin pa honra nan alumnonan.