El a wordo suspendi pendiente investigacion
ORANJESTAD (AAN): Gobierno di Aruba a duna di conoce cu diahuebs cu Parlamento ta e instituto di mas halto di nos pais y integridad di e instituto aki ta hopi importante pa mantene den tur aspecto, for di e Griffie te na e empleadonan di Parlamento.
Actualmente, tin un investigacion tumando luga na Parlamento despues cu a haya indicacion cu un empleado di Parlamento lo a haci trabaonan politico.
Empleadonan di Parlamento mester asisti tur Parlamentario igual y neutralidad di empleadonan di Parlamento ta sumamente importante pa e integridad di e instituto.
Despues cu a tuma nota di e trabounan politico a cuminsa un investigacion y a confronta e empleado cu e pruebanan. E investigacion ta sigui su curso.
DIARIO a haya informacion den e caso aki cu ta trata di Griffie di Parlamento, Liesje Khemlani, kende a wordo prohibi pa drenta den edificio di Staten mientras cu e investigacion ta tumando lugar.
