A gradici Sr. Bert Wielenga di Centro Ortopedagogico pa su añanan di servicio pa pais Aruba

Minister Rocco Tjon:

ORANJESTAD (AAN):  Diabierna mainta, minister di husticia y asuntonan social sr. Rocco Tjon a dispidi di sr. Bert Wielenga na Centro Ortopedagogico, caminda el a traha pa hopi aña. Banda di esaki, Bert a traha den e sector di enseñansa na Aruba tambe, pa hopi aña.

            For di aña 1997 Bert a haci Aruba su hogar, pues e tin 27 aña ta traha na Aruba. Prome cu esaki el a traha 15 aña na hulanda. Pues, el a sirbi e diferente comunidadnan aki pa un total di 42 aña.

            Bert ta un persona cu tawata hopi dedica na su trabou y alabes tawata tin un rol hopi important den e desaroyo pa cu Plan di Mayor, como tambe den brinda cuido y garantisa e siguridad di nos muchanan. Bert a haci esaki entre otro for di e tereno di enseñansa na Imelda Hof y Centro Ortopedagogico.

            Minister Tjon a agrega cu personalmente, el a traha di cerca cu Bert riba algun caso specifico, caminda a siña conoce Bert mas di cerca.

            A gradici Bert pa e trabounan cu el a eherce pa pais Aruba, y ta desea su persona un pensioen bon mereci.