Studiantenan tene cuenta cu:
ORANJESTAD (AAN): Sharine Croes - Dubero di e Seccion di Arubalening di Departamento di Enseñansa a duna di conoce cu tin un 'landsbesluit' nobo, desde september 2023 y den esey ta para loke ta e 'deadline' pa entrega peticion pa haya un Arubalening.
El a indica cu DEA a haya hopi comentario manera por ehempel, "aña pasa mi tabata laat pero toch mi a wordo yuda". Ora cu esaki ta ancra den ley, no por desvia di e ley. Por desvia na momento cu tin un rason hopi valido pa no logra entrega e peticion na tempo.
E 'deadline' pa haci peticion pa Arubalening a caduca dia 31 di maart. Aworaki e otro 'deadline' cu tin ta dialuna 15 di juli proximo y esaki ta encera entrega e diploma certifica door di Inspeccion di Enseñansa. Tambe mester entrega e carta cu nan a haya di scol cu nan a wordo acepta na scol, manera un 'toelatingbewijs'. Ta pidi tambe e datonan di contacto, persoonsnummer y ID di e mayornan, cuenta di banco y seguro (AZV) of esun di e pais caminda e hoben ta bay studia como tambe e 'overeenkomst tot geldlening' cu ta haya riba e website.
Ora cu tin esaki ta entrega y aproba, e sistema ta traha un 'verklaring tot toekenning' y esaki hunto cu e 'overeenkomst tot geldlening' mester entrega un copia di e original na DEA. Despues di esey DEA ta paga, Croes-Maduro a laga sa.
Esey ta e proceso cu mester sigui y cu dialuna awor ta e 'deadline' pa asina por keda cla cu e proceso, a agrega.
Den caso cu tin algun studiante cu a acerca DEA cu nan no ta kedando cla cu nan diploma of cu nan tin cu haci un 'toelatingstoets', por tene esey na consideracion, Sharine Croes-Maduro a finalisa bisando.
