A festeha e di 93 cumpleaño di Felicia Koolman na Tanki Leendert

Prome Ministro bishitando Mi Pret’i Wowo...

ORANJESTAD (AAN): E bishita di Diahuebs mainta den cuadro di ‘Accion di Bario’ cu Prome Ministro Mike Eman, a cuminsa na Tanki Leendert 194-B, na cas di e scol “Mi Preti Wowo”, un institucion cu pa mas cu 30 aña ta brinda servicio na comunidad.

   Durante e bishita a tuma lugar un momento especial caminda tur presente a canta Happy Birthday pa wela Felicia Koolman, kende a cumpli 93 aña riba 18 di september. Aunke su cumpleaño a pasa caba, Prome Minister Mike Eman no a keda sin celebra e momento aki hunto cu su famia.

   Durante e celebracion a comparti bolo y a hisa bandera di Aruba na e scol. Tambe su yiu, Giana Koolman, a participa hunto cu Prome Minister den e momento especial.

   Den mesun scol di Mi Pret’i Wowo, como parti di e programa di reforestacion, representante Nadine y Francielle a organiza un actividad di plantacion di mata hunto cu e muchanan, stimulando conciencia ambiental entre e generacion mas chikito.