Minister Endy Croes a reuni cu Departamento recurso humano
ORANJESTAD (AAN): Recientemente den un esfera ameno Minister Endy Croes a reuni cu Directora di Departamento Recurso Humano (DRH) sra. Omaira Lares y sra. Kristine Meaux. Durante e reunion a elabora riba varios tema manera entre otro e ayudo cu DRH lo por brinda pa yuda Dienst Publieke Scholen (DPS) pa digitalisa nan sistema manera e parti di personal.
E Mandatario di Enseñansa ta na altura cu DPS mester di atencion. Minister Endy Croes a sigui bisa cu tin decision di ‘oude ministerraad besluiten’ cu tambe a elabora riba nan den e reunion di direccion aki pero nunca a yega pa wordo ehecuta.
Minister Endy Croes a cuminsa forma e plan pa asisti DPS pa tur clase di mehoracion. Tambe a elabora mas amplio riba e veld general di enseñanza y deporte unda DRH por duna sosten na e Ministerio.
Pronto lo cuminsa canalisa cierto pasonan pa duna contenido na temanan cu a reuni riba dje. ‘E tabata un reunion hopi fructifero’, e Mandatario a finalisa.
