ORANJESTAD (AAN): Dialuna mainta, CEO di Oficina di Turismo, Ronella Croes a a indica durante un conferencia di prensa di Crisis Team y Gobierno
cu recientemente a papia riba loke ATA ta proyecta pa luna di Juni, el a confirma cu a cera luna di Juni cu un total di 84.592 bishitante.
Si compara luna di Juni 2021 cu luna di Juni 2019, prome cu e pandemia), esaki kiermen un grado di recuperacion pa e luna aki di 85 %, Croes a indica.
Por mira tambe cu e tendencia di e grado di recuperacion pa luna ta uno cu ta sigui aumenta, si tuma nota di Januari te cu Juni di e aña aki, a agrega.
MERCA
Ta remarcabel tambe, pa loke ta trata grado di recuperacion, for di e mercado mericano, cu esaki a mira un grado di recuperacion di 98 %. E ta casi 100 % caba y ta mira cu e mercado mericano ta moviendo y ta sigui move mas rapido cu e otro mercadonan. No obstante cu a habri mas mercadonan manera Latinoamerica y Europa, y cu nan tambe ta moviendo den direccion di por permiti nan residentenan di viaha tambe, Ronella Croes a señala.
HULANDA
No obstante e medidanan cu a wordo anuncia pa gobierno hulandes diabierna ultimo, ainda esnan cu tin cu viaha of tin deseo di viaha for di Hulanda por haci esaki teniendo na cuenta e nivel di risico di e pais cu nan ta bishita.
Esaki no a cambia pa Aruba, a remarca, y Aruba ta keda un lugar favorabel pa nan bishita.
